കോഴിക്കോട്: കൊടുവള്ളിയിൽ വൈദ്യുതി ലൈനിൽ നിന്ന് ഷോക്കേറ്റ് 12 വയസുകാരി മരിച്ചു. കൊടുവള്ളി കച്ചേരിമുക്ക് കളത്തിങ്കൽ റഷീദിന്റെ മകൾ തൻഹയാണ് മരിച്ചത്. മടവൂർ എയുപി സ്കൂളിലെ ഏഴാം ക്ലാസ് വിദ്യാർഥിനിയായിരുന്നു.
ഇന്നലെ വൈകീട്ട് ആറുമണിയോടെയായിരുന്നു അപകടം സംഭവിച്ചത്. വീട്ടിന്റെ മുകളിൽ നിന്ന് അബദ്ധത്തിൽ വൈദ്യുതി ലൈനിൽ കൈ തട്ടിയതിനെ തുടർന്ന് ശക്തമായ ഷോക്കേറ്റ് വീഴുകയായിരുന്നു.
പഴയ വീടിന് സമീപം വൈദ്യുതി ലൈൻ ഏറെ അകലത്തിലായിരുന്നുവെങ്കിലും പുതിയ വീട് വൈദ്യുതി ലൈനിനോട് ചേർന്നാണ് നിർമിച്ചതെന്ന് നാട്ടുകാർ അറിയിച്ചു. അപകടം നടന്ന ഉടൻ തന്നെ കൊടുവള്ളിയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
മൃതദേഹം പോസ്റ്റ്മോർട്ടത്തിനായി കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സംഭവത്തിൽ പ്രദേശവാസികൾ ദുഃഖത്തിലാണ്.
WhatsApp Channel
പ്രധാന വാർത്തകളും ബ്രേക്കിങ് അപ്ഡേറ്റുകളും നേരിട്ട് ഫോണിലേക്ക്
Join
