കൊച്ചി : മാതൃഭൂമി ബുക്‌സും അക്കാഫും (AKCAF) സംയുക്തമായി സംഘടിപ്പിച്ച പ്രൊഫ. വർഗീസ് ഉമ്മൻ സ്മാരക കഥാമത്സരത്തിലെ വിജയികൾക്കുള്ള പുരസ്‌കാരവിതരണച്ചടങ്ങ് കൊച്ചി മാതൃഭൂമി ഓഫീസിൽ നടന്നു. അക്കാഫ് പ്രസിഡന്റ് ചാൾസ് പോൾ അദ്ധ്യക്ഷം വഹിച്ച ചടങ്ങിൽ ആലുവ എം.എൽ.എ അൻവർ സാദത്ത് പുരസ്‌കാര വിതരണം നടത്തി ചടങ് ഉദ്‌ഘാടനം ചെയ്തു .
പ്രമുഖ എഴുത്തുകാരായ പി. എഫ്. മാത്യൂസ്, പി. വി. ഷാജികുമാർ എന്നിവരും മാതൃഭൂമിയെ പ്രതിനിധീകരിച്ച് എസ്. പ്രകാശ്, ഐശ്വര്യ ദാസ്, കെ. പി. സുധീര എന്നിവരും ചടങ്ങിന്റെ ഭാഗമായി.
അക്കാഫ് ചെയർമാൻ ഷാഹുൽ ഹമീദ്, ജനറൽ സെക്രട്ടറി വി. എസ്. ബിജുകുമാർ, അക്കാഫ് സാഹിത്യ വിഭാഗം സെക്രട്ടറി അജിത് കണ്ടല്ലൂർ, എക്‌സിക്യൂട്ടീവ് അംഗങ്ങളായ മഞ്ജു ശ്രീകുമാർ, മൻസൂർ എടക്കാവിൽ, അക്കാഫ് ലൈബ്രേറിയൻ ശ്രീകുമാർ മേനോൻ, യൂത്ത് ക്ലബ് കോർഡിനേറ്റർ ശിവാംഗി ശ്രീകുമാർ മേനോൻ, അനൂപ് കുമ്പനാട്, അക്ബർ അലി തുടങ്ങിയവർ ചടങ്ങിൽ പങ്കെടുത്തു.
കഥാമത്സരത്തിൽനിന്ന് തിരഞ്ഞെടുത്ത 15 കഥകൾ സമാഹരിച്ച് പുസ്തകരൂപത്തിൽ പ്രസിദ്ധീകരിക്കുന്ന കഥാമാപിനി എന്ന പേരിട്ട പുസ്‌തകത്തിന്റെ പ്രകാശനവും നടന്നു. മത്സരത്തിൽ വിജയികളായി തിരഞ്ഞെടുക്കപ്പെട്ടവരെയും പങ്കെടുത്ത എല്ലാ എഴുത്തുകാരെയും അക്കാഫ് അഭിനന്ദിച്ചു. മികച്ച രീതിയിൽ വിധിനിർണയം നടത്തിയ ജൂറിയോടും സംഘാടകർ നന്ദി അറിയിച്ചു.
പ്രൊഫ. വർഗീസ് ഉമ്മന്റെ സ്മരണ നിലനിർത്തുന്നതിനും മലയാള സാഹിത്യരംഗത്തെ പുതിയ പ്രതിഭകളെ പ്രോത്സാഹിപ്പിക്കുന്നതിനും ലക്ഷ്യമിട്ടുള്ള ഈ സംരംഭത്തിന്റെ വിജയത്തിനായി സഹകരിച്ച എല്ലാവർക്കും അക്കാഫ് ഹൃദയപൂർവം നന്ദി രേഖപ്പെടുത്തി.
പ്രൊഫ. വർഗീസ് ഉമ്മന്റെ മകൻ അനൂപ് കുമ്പനാട്, കുടുംബാംഗങ്ങൾ, റെജി സാമുവൽ, ജോർജി, മൻസൂർ എടക്കാവിൽ, മറ്റ് സുഹൃത്തുക്കൾ എന്നിവർക്കും അക്കാഫ് അഭിനന്ദനങ്ങളും നന്ദിയും അറിയിച്ചു.
