അജ്മാൻ: ഷാർജയിലെ പ്രമുഖ സാമൂഹ്യ-സാംസ്കാരിക പ്രവർത്തകനും മാസ് സ്ഥാപക നേതാവുമായിരുന്ന മാധവൻ പാടിയുടെ സ്മരണാർത്ഥം തയ്യാറാക്കിയ ‘പാടി ഒരു സ്നേഹ സ്പർശം’ എന്ന പുസ്തകം പ്രകാശനം ചെയ്തു. ഷാർജ ഇന്ത്യൻ അസോസിയേഷൻ പ്രസിഡൻ്റ് നിസാർ തളങ്കരയാണ് പുസ്തക പ്രകാശനം നിർവ്വഹിച്ചത്. എം.ഒ. രഘുനാഥ് ആണ് ഈ ഗ്രന്ഥത്തിന്റെ രചയിതാവ്.
ഷാർജ ഇന്ത്യൻ അസോസിയേഷൻ്റെ ദീർഘകാല ഭരണസമിതി അംഗമെന്ന നിലയിലും പ്രവാസി മലയാളി കൂട്ടായ്മകളിലും സജീവ സാന്നിധ്യമായിരുന്ന മാധവൻ പാടിയുടെ നിര്യാണത്തെ തുടർന്ന് അദ്ദേഹത്തിന്റെ ഓർമ്മകൾ പങ്കുവെക്കുന്നതാണ് പുസ്തകം. പ്രകാശന ചടങ്ങിൽ മാധവൻ പാടിയുടെ പത്നി പ്രസീത ടീച്ചർ നിസാർ തളങ്കരയിൽ നിന്നും പുസ്തകത്തിന്റെ ആദ്യപ്രതി ഏറ്റുവാങ്ങി.
ഗൾഫ് മലയാളി സമൂഹത്തിലെ പ്രമുഖ വ്യക്തിത്വങ്ങളും മാധവൻ പാടിയുടെ സുഹൃത്തുക്കളും സഹപ്രവർത്തകരും ചടങ്ങിൽ സംബന്ധിച്ചു.
