ദുബൈ: അറുപതിലധികം പേർ അവരുടെ പിതാവിനെ കുറിച്ചെഴുതിയ ഓർമ്മക്കുറിപ്പ് സമാഹരിച്ച് പിതൃദർപ്പണം എന്ന പേരിൽ പുറത്തിറക്കുന്ന പുസ്തകത്തിന്റെ കവർ പ്രകാശനം
പാണക്കാട് സയ്യിദ് മുനവ്വറലി ശിഹാബ് തങ്ങൾ ഈ മാസം 11ന് വെള്ളിയാഴ്ച രാത്രി 8മണിക്ക് ദുബൈ കെഎംസിസി ഓഡിറ്റോറിയത്തിൽ വെച്ച് നിർവ്വഹിക്കും. പി.എ സൽമാൻ ഇബ്രാഹിം മുഖ്യാതിഥിയാവും.
ദുബൈ കെഎംസിസി മാധ്യമ,സാഹിത്യ വിഭാഗമായ തൂലിക ഫോറമാണ് പുസ്തകം പ്രസിദ്ധീകരിക്കുന്നത്.
ഡോ.എം.കെ മുനീറാണ് അവതാരിക എഴുതിയത്.
ഇസ്മായിൽ ഏറാമല, അഷ്റഫ് കൊടുങ്ങല്ലൂർ എഡിറ്റർമാരാണ്.
ലിപി പബ്ലിക്കേഷൻസ് ആണ് പ്രസാധകർ.
ഓർമ്മക്കുറിപ്പ് എഴുതിയവരും കെഎംസിസി നേതാക്കളും ചടങ്ങിൽ പങ്കെടുക്കും.
