ഷാർജ: സീനിയർ ചേംബർ ഇന്റർനാഷണൽ (SCI) ഷാർജ ലീജിയന്റെ 2026–27 പ്രവർത്തന വർഷത്തേക്കുള്ള പുതിയ ഭാരവാഹികൾ ചുമതലയേറ്റു. സാമൂഹിക, സാംസ്‌കാരിക, സേവന പ്രവർത്തനങ്ങൾക്ക് പ്രാധാന്യം നൽകുന്ന സംഘടനയുടെ പുതിയ ഭരണസമിതിയെ സ്ഥാനാരോഹണ ചടങ്ങിൽ പ്രഖ്യാപിച്ചു.
പ്രസിഡന്റായി പുഷ്പ മഹേഷും സെക്രട്ടറിയായി ശ്രീകുമാർ നായരും ട്രഷററായി ആന്റോ തോമസും തിരഞ്ഞെടുക്കപ്പെട്ടു. 15 അംഗ ഭരണസമിതിയാണ് വരും വർഷം സംഘടനയുടെ പ്രവർത്തനങ്ങൾക്ക് നേതൃത്വം നൽകുക.
ദുബായ് ദെയ്‌റയിലെ ഏഷ്യാന ഹോട്ടലിൽ മെയ് 31-ന് നടന്ന സ്ഥാനാരോഹണ ചടങ്ങിൽ സഹീദ അഹമ്മദ്, അൻവർ ഹുസ്സൈൻ എന്നിവർ വൈസ് പ്രസിഡന്റുമാരായും ദീപ്തി പണിക്കർ ജോയിന്റ് സെക്രട്ടറിയായും അനൂപ് മേനോൻ ജോയിന്റ് ട്രഷററായും തിരഞ്ഞെടുക്കപ്പെട്ടു.
പ്രശസ്ത എമിറാത്തി നടൻ അബ്ദുള്ള അൽ ജുഫാലി മുഖ്യാതിഥിയായ ചടങ്ങിൽ സാമൂഹിക, സാംസ്‌കാരിക, വ്യവസായ രംഗങ്ങളിലെ പ്രമുഖനായ മുനീർ അൽ വഫ, സീനിയർ ചേംബർ ഇന്റർനാഷണൽ ദേശീയ ചെയർമാൻ നിഷാദ് ഗോപിനാഥ്, ചീഫ് അഡ്വൈസർ മഹേഷ് കൃഷ്ണൻ എന്നിവർ ആശംസകൾ നേർന്നു.
സംഘടനയുടെ വിവിധ ലീജിയനുകളിൽ നിന്നുള്ള പ്രതിനിധികളായ സുരേഷ് പുരവങ്കര, അഞ്ജന അനീഷ്, സിറാജ്, മിനി അൽഫാൻസ് എന്നിവർ പുതിയ ഭാരവാഹികൾക്ക് ആശംസകൾ അർപ്പിച്ചു.
അംഗങ്ങളുടെ വൈവിധ്യമാർന്ന കലാപരിപാടികൾ ചടങ്ങിന് മാറ്റുകൂട്ടി. ലിജിൻ പിള്ളൈ സ്വാഗതം ആശംസിച്ച ചടങ്ങിൽ ശ്രീകുമാർ നായർ നന്ദി രേഖപ്പെടുത്തി. പുതിയ നേതൃത്വത്തിന്റെ കീഴിൽ കൂടുതൽ സേവന-സാമൂഹിക പ്രവർത്തനങ്ങൾ സംഘടിപ്പിക്കുമെന്ന് ഭാരവാഹികൾ അറിയിച്ചു.
