20 ശതമാനം മുൻകൂർ നൽകി നിരക്ക് ഉറപ്പിക്കാം; വില ഉയർന്നാൽ ബുക്കിങ് നിരക്കും കുറഞ്ഞാൽ പുതിയ നിരക്കും ബാധകമാകും.
ദുബായ്, ഒക്ടോബർ 7, 2026 : യുഎഇയിലെ സ്വർണാഭരണ ഉപഭോക്താക്കൾക്കായി ധന്തേരസ്, ദീപാവലി ആഘോഷവേളകളിൽ സ്വർണവില വർധനയിൽ നിന്ന് ആശ്വാസം നൽകുന്ന ‘ബെസ്റ്റ് ഗോൾഡ് റേറ്റ്’ പദ്ധതി പ്രഖ്യാപിച്ച് പ്രമുഖ ജ്വല്ലറി ബ്രാൻഡായ തനിഷ്ക് മിഡിൽ ഈസ്റ്റ്.
യുഎഇയിലെ സ്വർണാഭരണ ഉപഭോക്താക്കൾക്കായി ധന്തേരസ്, ദീപാവലി ആഘോഷവേളകളിൽ സ്വർണവില വർധനയിൽ നിന്ന് ആശ്വാസം നൽകുന്ന ‘ബെസ്റ്റ് ഗോൾഡ് റേറ്റ്’ പദ്ധതി പ്രഖ്യാപിച്ച് പ്രമുഖ ജ്വല്ലറി ബ്രാൻഡായ തനിഷ്ക് മിഡിൽ ഈസ്റ്റ്.
2026 നവംബർ 8 വരെ നീളുന്ന ഈ ഓഫറിലൂടെ, ആഭരണത്തിന്റെ മൂല്യത്തിന്റെ 20 ശതമാനം മുൻകൂറായി നൽകി ഉപഭോക്താക്കൾക്ക് അന്നത്തെ സ്വർണവില ബുക്ക് ചെയ്യാൻ കഴിയും. രാജ്യാന്തര വിപണിയിൽ സ്വർണവില റെക്കോർഡ് നിലവാരത്തിൽ തുടരുന്ന പശ്ചാത്തലത്തിലാണ് ഈ നടപടി.
പദ്ധതി പ്രകാരം, ബുക്ക് ചെയ്ത തീയതിക്കുശേഷം സ്വർണവില ഉയർന്നാലും ഉപഭോക്താവ് നൽകേണ്ടത് ബുക്കിങ് സമയത്തെ നിരക്ക് മാത്രമായിരിക്കും. മറുവശത്ത്, ആഭരണം കൈപ്പറ്റുന്നതിന് മുൻപ് വിപണിയിൽ വില കുറയുകയാണെങ്കിൽ കുറഞ്ഞ നിരക്കിൽ ബില്ലിങ് നടത്താനുള്ള സൗകര്യവും ലഭിക്കും. ബാക്കി തുക അടച്ച് നിശ്ചിത തീയതിക്കകം ആഭരണങ്ങൾ സ്വന്തമാക്കാം.
ആഗോള സാമ്പത്തിക ഘടകങ്ങളും കേന്ദ്ര ബാങ്കുകളുടെ വാങ്ങലും കാരണം സമീപ മാസങ്ങളിലായി സ്വർണവില ഉയർന്നുനിൽക്കുകയാണ്. ഇതോടെ മുൻകൂട്ടി തയ്യാറാക്കിയ ബജറ്റിൽ ദീപാവലി സമ്മാനങ്ങളും വിവാഹാഭരണങ്ങളും വാങ്ങാൻ പദ്ധതിയിട്ട സാധാരണ കുടുംബങ്ങൾ വലിയ വെല്ലുവിളിയാണ് നേരിടുന്നത്.
യുഎഇയിലെ ഏഷ്യൻ പ്രവാസി സമൂഹത്തിന്റെ പ്രധാന ആഭരണ വാങ്ങൽ സീസണാണ് ധന്തേരസും ദീപാവലിയും. തുടർന്നുവരുന്ന ശൈത്യകാല വിവാഹ സീസണിലേക്ക് വലിയ അളവിൽ ആഭരണങ്ങൾ വാങ്ങുന്ന കുടുംബങ്ങൾക്ക് വിപണിയിലെ ചാഞ്ചാട്ടം തടയാൻ നിരക്ക് മുൻകൂട്ടി നിശ്ചയിക്കുന്നത് സാമ്പത്തിക ഭദ്രത നൽകുന്നു.
യുഎഇയിലെ എല്ലാ തനിഷ്ക് ഔട്ട്‍ലെറ്റുകളിലും നവംബർ 8 വരെ ഈ നിരക്ക് സംരക്ഷണ സൗകര്യം ലഭ്യമാകുമെന്ന് ടാറ്റ ഗ്രൂപ്പിന്റെ കീഴിലുള്ള സ്ഥാപനം അറിയിച്ചു.
