അബൂദാബി: എമിറേറ്റിലെ ഗതാഗത മേഖലയുമായി ബന്ധപ്പെട്ട എല്ലാ പ്രധാന സേവനങ്ങളും തടസ്സങ്ങളില്ലാതെ തുടരുന്നതായി Department of Municipalities and Transport (ഡി.എം.ടി) അറിയിച്ചു. നിലവിലെ സാഹചര്യത്തിലും അബൂദാബിയിലുടനീളം ഗതാഗത സേവനങ്ങൾ സാധാരണ രീതിയിൽ തന്നെ പ്രവർത്തിക്കുന്നുണ്ടെന്നും അധികൃതർ വ്യക്തമാക്കി.
റോഡ് ശൃംഖലയും അനുബന്ധ അടിസ്ഥാന സൗകര്യങ്ങളും ഗതാഗത മാനേജ്മെന്റ് സംവിധാനവും കൺട്രോൾ റൂമുകളും പൊതുബസ്, ടാക്സി സർവീസുകളും ചരക്ക് ഗതാഗത സേവനങ്ങളും ഉൾപ്പെടെ വിവിധ സേവനങ്ങൾ തുടർച്ചയായി പ്രവർത്തിച്ചുകൊണ്ടിരിക്കുകയാണ്.
കര, സമുദ്ര, വ്യോമ ഗതാഗത മേഖലകളുമായി ബന്ധപ്പെട്ട നിയന്ത്രണ പ്രവർത്തനങ്ങളും തടസ്സമില്ലാതെ തുടരുന്നുണ്ടെന്നും ഡി.എം.ടി വ്യക്തമാക്കി.
സേവനങ്ങളുടെ തുടർച്ച ഉറപ്പാക്കുന്നതിനും ഗതാഗതം സുഗമമാക്കുന്നതിനുമായി ബന്ധപ്പെട്ട എല്ലാ വകുപ്പുകളുമായി സഹകരിച്ച് മുൻകരുതൽ നടപടികൾ സ്വീകരിച്ചിട്ടുണ്ടെന്നും അധികൃതർ അറിയിച്ചു.
സമൂഹത്തിന്റെയും റോഡ് ഉപയോക്താക്കളുടെയും സുരക്ഷയാണ് വകുപ്പിന്റെ പ്രധാന മുൻഗണനയെന്നും ഏറ്റവും പുതിയ വിവരങ്ങൾക്കായി ഔദ്യോഗിക കേന്ദ്രങ്ങളെയും ബന്ധപ്പെട്ട അധികൃതരെയും മാത്രം ആശ്രയിക്കണമെന്നും ഡി.എം.ടി നിർദേശിച്ചു.
English Summary : The Department of Municipalities and Transport (DMT) confirmed that all transport services across Abu Dhabi are operating without disruption. Road networks, public buses, taxis, freight transport, and air, sea, and land transport monitoring systems continue to function normally, with authorities taking precautionary measures to ensure smooth operations and public safety.
