ഷാർജ: വിദ്യാർത്ഥികളിൽ സാങ്കേതിക വൈദഗ്ധ്യവും സർഗാത്മക ചിന്താശേഷിയും വളർത്തുകയെന്ന ലക്ഷ്യത്തോടെ ഷാർജയിലെ ദി ഫസ്റ്റ് വേർഡ് ഇൻസ്റ്റിറ്റ്യൂട്ടും അജ്‌മാനിലെ ഫ്യൂച്ചർ മൈൻഡ്സ് ട്രെയിനിംഗ് സെന്ററും സംയുക്തമായി “എ.ഐ & ടെക് സമ്മർ ക്യാമ്പ്” സംഘടിപ്പിക്കുന്നു. ജൂലൈ 6 മുതൽ ഓഗസ്റ്റ് 30 വരെ ഷാർജ മർകസ് ക്യാമ്പസിൽ നടക്കുന്ന ക്യാമ്പിൽ 5 മുതൽ 16 വയസ്സ് വരെയുള്ള വിദ്യാർത്ഥികൾക്ക് പങ്കെടുക്കാം.
ഇന്നത്തെ അതിവേഗ സാങ്കേതിക ലോകത്തിന്റെ ആവശ്യങ്ങൾ മുൻനിർത്തി രൂപകൽപ്പന ചെയ്തിരിക്കുന്ന ക്യാമ്പിൽ ആർട്ടിഫിഷ്യൽ ഇന്റലിജൻസ് (എ.ഐ), കോഡിംഗ്, റോബോട്ടിക്സ്, ആപ്പ് ഡെവലപ്മെന്റ്, എ.ഐ പവർഡ് ഡിസൈൻ, ഗെയിം ഡെവലപ്മെന്റ്, സിനിമാറ്റോഗ്രഫി, എന്റർപ്രണർഷിപ്പ്, ലീഡർഷിപ്പ് ആൻഡ് കമ്മ്യൂണിക്കേഷൻ, ഫിനാൻഷ്യൽ ലിറ്ററസി, എ.ആർ/വി.ആർ ടെക്നോളജി തുടങ്ങിയ ഭാവി തൊഴിലവസരങ്ങളുമായി ബന്ധപ്പെട്ട നിരവധി മേഖലകളിൽ പരിശീലനം നൽകും.
പ്രായാനുസൃതമായി പ്രത്യേക ഗ്രൂപ്പുകളായി ക്രമീകരിച്ചിരിക്കുന്ന പരിശീലന പരിപാടികൾ കുട്ടികളുടെ സാങ്കേതിക കഴിവുകൾ മെച്ചപ്പെടുത്തുന്നതിനൊപ്പം ആത്മവിശ്വാസം, ആശയവിനിമയ മികവ്, പ്രശ്നപരിഹാര നൈപുണ്യം, ടീം വർക്ക്, നേതൃപാടവം തുടങ്ങിയ ജീവിത നൈപുണ്യങ്ങളും വികസിപ്പിക്കുന്നതിന് സഹായകമാകും.
പഠനവും വിനോദവും ഒരുപോലെ ഉൾക്കൊള്ളുന്ന രീതിയിലാണ് ക്യാമ്പ് ഒരുക്കിയിരിക്കുന്നത്. ക്രിയേറ്റീവ് വർക്ക്‌ഷോപ്പുകൾ, ഫീൽഡ് ട്രിപ്പുകൾ, പബ്ലിക് സ്പീക്കിംഗ് സെഷനുകൾ, വിവിധ മത്സരങ്ങൾ, ലൈഫ് സ്കിൽ പരിശീലനങ്ങൾ, ഗ്രാജുവേഷൻ ചടങ്ങ് എന്നിവയും പരിപാടിയുടെ ഭാഗമാകും.
ഡിജിറ്റൽ യുഗത്തിലെ പുതിയ അവസരങ്ങളെക്കുറിച്ച് വിദ്യാർത്ഥികൾക്ക് അവബോധം നൽകുകയും ഭാവിയിലെ സാങ്കേതിക ലോകത്തെ ആത്മവിശ്വാസത്തോടെ നേരിടാൻ അവരെ പ്രാപ്തരാക്കുകയും ചെയ്യുക എന്നതാണ് ക്യാമ്പിന്റെ പ്രധാന ലക്ഷ്യമെന്ന് സംഘാടകർ അറിയിച്ചു.
ക്യാമ്പിൽ പങ്കെടുക്കുന്നതിനുള്ള രജിസ്ട്രേഷൻ ആരംഭിച്ചിട്ടുണ്ട്. കൂടുതൽ വിവരങ്ങൾക്കും രജിസ്ട്രേഷനും 0561600507 എന്ന നമ്പറിൽ ബന്ധപ്പെടാവുന്നതാണ്.
