കോഴിക്കോട്ടും ദുബായിലും പുതിയ ഷോറൂമുകൾ ഉടൻ തുറക്കും; 2040ഓടെ 100 ഷോറൂമുകൾ ലക്ഷ്യമെന്ന് മാനേജ്മെന്റ്.
ദുബായ്, ജൂലൈ 6, 2026: പ്രമുഖ അന്താരാഷ്ട്ര ആഭരണ ബ്രാൻഡായ നിഷ്ക മൊമെന്റ്സ് ജ്വല്ലറിയുടെ യുഎഇ ബ്രാൻഡ് അംബാസഡറായി പ്രശസ്ത ചലച്ചിത്ര താരം തമന്ന ഭാട്ടിയെ പ്രഖ്യാപിച്ചു. ദുബായ്, അബുദാബി, ഷാർജ എന്നിവിടങ്ങളിൽ സാന്നിധ്യമുള്ള ബ്രാൻഡിന്റെ ആഗോള വളർച്ചാ പദ്ധതികളുടെ ഭാഗമായാണ് ഈ സഹകരണം.
2040ഓടെ ലോകത്തിന്റെ വിവിധ ഭാഗങ്ങളിലായി 100 ഷോറൂമുകളുള്ള അന്താരാഷ്ട്ര ബ്രാൻഡായി വളരുക എന്ന ലക്ഷ്യമാണ് നിഷ്ക മൊമെന്റ്സ് ജ്വല്ലറിക്കുള്ളതെന്ന് കമ്പനി മാനേജ്മെന്റ് അറിയിച്ചു. ഈ വിപുലീകരണ പദ്ധതികളുടെ ആദ്യപടിയായി ബ്രാൻഡ് ഇന്ത്യയിലേക്കും പ്രവർത്തനം വ്യാപിപ്പിക്കുകയാണ്.
ഇന്ത്യയിലെ ആദ്യ ഷോറൂം കേരളത്തിൽ കോഴിക്കോട് മാവൂർ റോഡിലും, യുഎഇയിലെ പുതിയ ഷോറൂം ബർ ദുബായിലെ മീന ബസാറിലും ഉടൻ പ്രവർത്തനമാരംഭിക്കും. പുതിയ ഷോറൂമുകളുടെ ഉദ്ഘാടനം ബ്രാൻഡ് അംബാസഡർ തമന്ന ഭാട്ടിയ നിർവഹിക്കുമെന്ന് നിഷ്ക മൊമെന്റ്സ് ജ്വല്ലറി ചെയർമാൻ നിഷിൻ തച്ചിൻ അറിയിച്ചു.
