യാത്രാ നിയന്ത്രണങ്ങൾക്കിടെ ചാർട്ടർ ഫ്ലൈറ്റ് സേവനവുമായി സ്മാർട്ട് ട്രാവൽ

ദുബൈ: യുഎഇയിലും ഗൾഫ് മേഖലയിലും യാത്രാ നിയന്ത്രണങ്ങൾ നിലനിൽക്കുന്ന സാഹചര്യത്തിൽ അടിയന്തര യാത്ര ആവശ്യങ്ങൾ നിറവേറ്റാൻ സ്മാർട്ട് ട്രാവൽ പ്രത്യേക ചാർട്ടർ ഫ്ലൈറ്റ് സേവനങ്ങളും യാത്രാ സഹായ സംവിധാനങ്ങളും ആരംഭിച്ചു.

കമ്പനിയുടെ അറിയിപ്പനുസരിച്ച്, മാർച്ച് 4ന് ദുബായിൽ നിന്ന് ഡൽഹി, മുംബൈ, കോഴിക്കോട്, കൊച്ചി എന്നിവിടങ്ങളിലേക്കും ഫുജൈറയിൽ നിന്ന് ഡൽഹിയിലേക്കും പ്രത്യേക ചാർട്ടർ ഫ്ലൈറ്റുകൾ വിജയകരമായി നടത്തി. കൂടാതെ മസ്കത്ത് വഴി കോഴിക്കോട്, മുംബൈ എന്നിവിടങ്ങളിലേക്കുള്ള യാത്ര സൗകര്യവും ഒരുക്കി. ഇതിലൂടെ അടിയന്തരമായി ഇന്ത്യയിലേക്ക് യാത്ര ചെയ്യേണ്ട നിരവധി യാത്രക്കാർക്ക് സുരക്ഷിതമായ യാത്ര ഉറപ്പാക്കിയതായി അധികൃതർ അറിയിച്ചു.

ഇതിനൊപ്പം ദുബായിൽ നിന്ന് ഇന്ത്യയിലെ പ്രധാന നഗരങ്ങളിലേക്കുള്ള പ്രത്യേക വിമാന സൗകര്യങ്ങളും സ്മാർട്ട് ട്രാവൽ ഒരുക്കിയിട്ടുണ്ട്. യാത്രാ നിയന്ത്രണങ്ങൾ നിലനിൽക്കുന്ന സാഹചര്യത്തിൽ ഒമാൻ വഴി സ്വകാര്യ ട്രാൻസ്ഫർ സൗകര്യവും അടിയന്തര വിസ സേവനങ്ങളും കമ്പനി ആരംഭിച്ചിട്ടുണ്ട്.

യാത്രക്കാർക്ക് ഫ്ലൈറ്റ് ബുക്കിങ്, സീറ്റിങ് ക്രമീകരണം, വിസ പ്രോസസ്സിങ്, ഗ്രൗണ്ട് ട്രാൻസ്ഫർ എന്നിവ ഉൾപ്പെടെയുള്ള എല്ലാ സേവനങ്ങൾക്കും സഹായം നൽകുന്നതിനായി 24 മണിക്കൂറും പ്രവർത്തിക്കുന്ന പ്രത്യേക സപ്പോർട്ട് ടീമും ഒരുക്കിയിട്ടുണ്ടെന്ന് സ്മാർട്ട് ട്രാവൽ ഗ്രൂപ്പ് ചെയർമാൻ അഫി അഹമ്മദ് അറിയിച്ചു.

അടിയന്തര യാത്രാ ആവശ്യങ്ങൾ ഉള്ളവർ കൂടുതൽ വിവരങ്ങൾക്കായി സ്മാർട്ട് ട്രാവലുമായി ബന്ധപ്പെടണമെന്ന് അധികൃതർ അറിയിച്ചു.

English Summary

Smart Travel has introduced special charter flight services and emergency travel assistance for passengers facing travel restrictions in the UAE and Gulf region. The company recently operated charter flights from Dubai to major Indian cities including Delhi, Mumbai, Kozhikode, and Kochi, as well as from Fujairah to Delhi.In addition, Smart Travel has arranged travel options via Muscat, along with private transfers and emergency Oman visa services. The company has also set up a 24-hour support team to assist passengers with flight bookings, seating arrangements, visa processing, and ground transfers.