ദുബൈ: വരാനിരിക്കുന്ന തിരഞ്ഞെടുപ്പിൽ യു.ഡി.എഫ് സ്ഥാനാർത്ഥികളുടെ വൻ വിജയത്തിനായി പ്രവാസികൾ സജീവമായി രംഗത്തിറങ്ങണമെന്ന് ദുബായ് കെ.എം.സി.സി കോഴിക്കോട് ജില്ലാ ഭാരവാഹി യോഗം അഭ്യർത്ഥിച്ചു. തിരഞ്ഞെടുപ്പ് പ്രവർത്തനങ്ങൾ ഏകോപിപ്പിക്കുന്നതിനായി വിപുലമായ പദ്ധതികളാണ് യോഗം ആസൂത്രണം ചെയ്തത്.
നാട്ടിൽ പോകാൻ കഴിയുന്നവർ നേരിട്ടെത്തി വോട്ടവകാശം വിനിയോഗിക്കണമെന്നും അല്ലാത്തവർ നാട്ടിലെ കുടുംബാംഗങ്ങളുടെ വോട്ടുകൾ യു.ഡി.എഫിന് ഉറപ്പുവരുത്തണമെന്നും യോഗം ആവശ്യപ്പെട്ടു. ഇതിന്റെ ഭാഗമായി ‘ഹലോ കേരളം’ എന്ന പേരിൽ കുടുംബാംഗങ്ങളെ ഫോണിൽ വിളിച്ച് വോട്ട് അഭ്യർത്ഥിക്കുന്ന കാമ്പയിൻ സംഘടിപ്പിക്കും.
പ്രധാന തീരുമാനങ്ങൾ:
- ജില്ലാ-മണ്ഡലം തലങ്ങളിൽ തിരഞ്ഞെടുപ്പ് കൺവൻഷനുകൾ ചേരും.
- വോട്ടർമാർക്ക് നാട്ടിലെത്താൻ ‘വോട്ട് വിമാനം’ ചാർട്ടർ ചെയ്യും.
- സോഷ്യൽ മീഡിയ വഴി ശക്തമായ പ്രചാരണ പ്രവർത്തനങ്ങൾ നടത്തും.
ദുബൈ കെ.എം.സി.സി സംസ്ഥാന വൈസ് പ്രസിഡന്റ് ഇസ്മായിൽ ഏറാമല യോഗം ഉദ്ഘാടനം ചെയ്തു. കോഴിക്കോട് ജില്ലാ പ്രസിഡന്റ് കെ.പി മുഹമ്മദ് അധ്യക്ഷത വഹിച്ചു. സംസ്ഥാന സെക്രട്ടറി അഹമ്മദ് ബിച്ചി, ജില്ലാ ട്രഷറർ ഹംസ കാവിൽ, ഭാരവാഹികളായ നജീബ് തച്ചംപൊയിൽ, ഇസ്മായിൽ ചെരുപ്പേരി, തെക്കയിൽ മുഹമ്മദ്, മൊയ്തു അരൂർ, മജീദ് കൂനഞ്ചേരി, മജീദ് കുയ്യൊടി, ഹകീം മാങ്കാവ്, ഷംസു മാത്തോട്ടം, സിദ്ദീഖ് യു.പി, ഗഫൂർ പാലൊളി എന്നിവർ സംസാരിച്ചു. ജില്ലാ ജനറൽ സെക്രട്ടറി സയ്യിദ് ജലീൽ മഷ്ഹൂർ തങ്ങൾ സ്വാഗതവും സെക്രട്ടറി റിയാസ് വി.കെ.കെ നന്ദിയും പറഞ്ഞു.
English Summary : The Dubai KMCC Kozhikode District Committee has officially launched its campaign to support UDF candidates in the upcoming Kerala elections. In a high-level meeting led by State Vice President Ismail Eramala and District President K.P. Mohammed, the committee urged expatriates to travel home to vote or influence their families through the “Hello Kerala” calling campaign. Key initiatives announced include organizing chartered “Vote Flights” for NRIs and conducting intensive social media drives to ensure a UDF victory.
